Овој интересен тест е со триаголници кои симболизираат некаква промена или разлика. Тој ќе ви помогне подобро да се разберете себеси и вашите приоритети, а исто така е интересен начин да запознаете некои од вашите карактерни особини и да најдете фокус во животот, пишува „The Minds journal“.

На сликата се наоѓаат пет триаголници, а на вас останува да изберете еден од нив.

Триаголник број 1

Ако го избравте овој триаголник, тогаш знајте дека пријателството е најголемата вредност што ја имате во вашиот живот. Секогаш сте подготвени да им помогнете на пријателите кога и да е потребно. Тие знаат дека можат да се потпрат на вас бидејќи нема да ги изневерите или повредите.

Во секое време ќе се трудите да им помогнете да ги решат проблемите без да ги обвинувате нивните недостатоци или неспособност да ги решат. Затоа и ве почитуваат поради вашата љубезна природа.

Триаголник број 2

Вие не само што имате големи амбиции туку имате и храброст да одите до крајни граници за да ги исполните вашите желби и да стигнете до крајната цел. Често преземате ризик за побрзо да стигнете до таа цел.

За вас не постојат никакви ограничувања или забрани. Верни сте на себе, верувате и задоволни сте со доблестите што ги поседувате.

Триаголник број 3

Имате висока самоконтрола. Секогаш можете да ги регулирате вашите мисли, емоции и однесување што ви го олеснува постигнувањето на целите. Исто така, тоа може да ви помогне брзо и лесно да ја заслужите почитта од вашите колеги и од оние околу вас.

Освен тоа, одржувате и безбедно растојание од другите, а пријателството го започнувате дури по низа проверки на довербата на другата страна. Претходно сте биле повредени и едноставно не сакате да дозволите тоа да се повтори.

Триаголник број 4

Поставувате високи стандарди во вашиот живот и секогаш барате совршенство. Без разлика дали станува збор за работа, емотивен партнер или нешто трето, вие сакате да бидете неоптоварени и без проблеми. Се стремите кон успех и внимателни сте кога донесувате одлуки.

Вие сте независни и доволни сами на себе, па не барате често помош од другите за да ги исполните вашите потреби. Некои веруваат дека имате опсесивно-компулсивно нарушување.

Триаголник број 5

Вашата главна доблест е амбициозната искреност. Вие сте грижлива, отворена и искрена личност, па истото го очекувате и од другите. Поседувањето на сите овие доблести ви помага да ги решите проблемите со работните и животните околности општо.

Токму поради тоа вашите пријатели се привлечени кон вас затоа што бараат мотивација за себе во вас. Дури и вашите познаници сметаат дека сте голем оптимист.