Поп иконата Бритни Спирс се огласи откако папараците ја фотографираа ноќта меѓу 1 и 2 мај надвор од луксузен хотел, во ужасна состојба, целосно гола, покриена со јорган.
Имено, како што тврди изворот за „ТМЗ“, таа предизвикала скандал во хотелот, откако во собата по забавата во апартманот што го резервирале, имала физичка пресметка со своето момче Пол Солиз.
Токму таа ноќ се направени ужасните папарацо фотографии на Бритни, која стои пред хотелот со обезбедување и персонал за итна помош, целосно гола, со јорган над неа и цело време држејќи перница.
Britney Spears gets into fight with boyfriend Paul Richard Soliz at Chateau Marmont, ambulance called https://t.co/CQF14Hl3jD pic.twitter.com/fNzjvfy6vl
— New York Post (@nypost) May 2, 2024
Таа сега првпат проговори преку социјалните мрежи, тврдејќи дека веста за нејзината состојба е лажна и дека болничарите „нелегално“ влегле во нејзината соба.
„Само да знаат луѓето, веста е лажна!“, започнала Брити и додaла:
„Би сакала почит во овој момент, луѓето да сфатат дека секој ден станувам посилна!!! Вистината е сон, па може ли некој да ме научи како да лажам??? Божици таму, ја достигнувам мојата повисока моќ и уште повеќе, се надевам дека сте и вие!!! Сега ми треба нова четка за заби, напишала таа и продолжила во свој манир:
– ПС … ми треба еспресо. ПСС … Не сум сигурна зошто чувствувам потреба да го споделам ова … ‘
Таа потоа ја заврши својата изјава обидувајќи се да објасни зошто се чувствувала принудена да објасни што се случило, па најавила дека се сели.
„Претпоставувам дека сум само девојка и имам менструација, па сум к*рва … с***!!! Синоќа го шинав и зглобот, а на вратата нелегално се појавија болничари. Никогаш не влегоа во мојата соба, но се чувствував целосно вознемирена. Се селам во Бостон“, завршила таа, помалку чудна изјава.
